每一次去書局睇到有人拎住本書喺度震(可能嬲到震都唔奇)，我都好有衝動想衝上前揸揸手多謝佢～
開page前我完全冇諗到會行到呢一步，睇住第一個月有接近十萬讚好，真係好意外好恐怖(我有一刻以為我啲朋友去咗淘寶買like)…邊個會估到一個診所助護會學人出書呀？我估唔到個頭，都估唔到個尾，我嘅下場會係點？唔知…
只係想知，你睇完有冇震呀？
(多謝愚杰嘅讀後分享，揸！手！)
［書評］
打其他野我唔知，但打書釘絕對係我強項。
我今日係書局原本只係隨便睇下，點知越睇越吸引，忍住唔笑到gap gap聲。但我天真無邪既傻笑，已經令不少人註足觀賞。由於太吸引，我一口氣就睇曬，既然睇曬就等係無買到XD 但一本好書就咁無賣到實在有點可惜，所以抽其中一些內容分享比大家，當做下宣傳。(謎之聲︰你呢D雞蛋仔...)
呢本野真係少少咸多多趣，你話佢低俗咩﹖我覺得佢本書既經歷係側面反映到香港人、內地人、港女、毒男、C奶、老人家既一D特徵。有D人係可以由一顆砂睇到全世界，但有D人就算比個世界佢都睇唔一顆砂。(謎之聲︰等係睇唔到啦，尋寶咩﹖)
比起主題類近既「on膠36小時」，雖然只睇過一兩篇，但「on」係較深入同沉重。呢類書唔太適合開住行街mode黎睇。
而係某程度上「on」係「診所」既續集，因為診所處理唔到既case就會建議去醫院處理。亦可能因為咁，診所發生既事比較令人輕鬆發笑。
最後，我係唔同場合都聽到徐緣成日建議人地攪副業，佢自己都話自己攪到好似有強迫症咁。佢話曹仁超曾經寫過，一個人除了正職之外，要就自己興趣發展一門副業，除了能帶來額外財富外，若副業做得夠大夠出色，更有機會取代正職，真正結合興趣與事業。
而《診所低能奇觀》的確做到了，亦是一個由全職發展副業的經典。可以預見這一種C to C既商業模式會越來越普及，因為這些反而是大企業所辦不到的。
而我也踏出了小小的第一步。
Search